فضاء حر

يامصر ..

يمنات

ايهاب القسطاوى

«يامصر .. نيلك حصان بيجرى بماسينا
لا عمرة ارتاح ولا عمرة باح
ولاعمرة هدى ولاراسى بالفرح فى مراسينا
======================
يامصر .. اللى باع تيران
هو برضوا اللى فرط فى سينا
وهو اللى هد حيطان رفح على روس اهالينا
وابقوا اسالوا الدم اللى اتعجن برمل العريش
وهو بيهتف لمصر تعيش
======================
يامصر .. نيلك تعب من المشوار
والسمسار فى البيع نازل منشار
تقطيع فى ارضينا
ووراة كلاب النار
وجيش جرار بزافة وطبلة وطار
======================
يامصر .. داحنا يا ياما اسينا
لاجل التار والولد والدار
ولما كان يشتد البلا
كنتى برضوا بتوسينا
======================
يامصر .. تعب التعب من حمل ليالينا
وغلب دم الشهدا يندينا
وياما يا مصر حلمنا بنهار
======================
ملعون ابوك ابن كلب خاين
زرعت الدم فى وداينا جناين
وقتلت احلامنا فى كماين
وخليت الموت علينا هاين
وطرحت سواد الحزن
هم على وش مصر باين
ملعون ابوك ابن كلب خاين».

زر الذهاب إلى الأعلى